Kontaktperson og kampvert
Forfatter: Espen Eithun Langedal
05. mars 2023
Rolleskildringar for kontaktperson og kampvert.
Kontaktperson
Kontaktpersonen (tidlegare nytta omgrep som oppmann/kvinne eller lagleiar) er laget sin administrative leiar, og har ansvaret for at det praktiske fungerer rundt laget. Kontaktpersonen skal overlate alt det sportslege til trenaren/trenarane som har ansvar for organisering av treningar, lagoppsett til kampar/cupar og gjennomføring av kampar.
Aktuelle oppgåver for kontaktperson:
- Halde medlemslista til laget oppdatert
- Arrangere møter for foreldre og spelarar
- Gå gjennom Fair Play-reglar og foreldrevettreglar med alle spelarar og føresette før sesongstart
- Møte på lagleiarmøter og andre relevante møteplassar
- Gje informasjon til spelarar, trenarar og føresette
- Skrive årsrapport for laget i god tid før årsmøte i fotballgruppa
- Melde på laget til cupar
- Kalle inn til dugnader
- Lage dugnadsliste med oversikt over kampvert (på heimekampar) og køyring (på bortekampar)
- Kontakte oppsett dommar til heimekamp seinast dagen før
- Orientere oppsett dommar dersom kampar vert flytta (anten det gjeld flytting av dag eller tidspunkt)
- Fylle ut kamprapport
- Sikre at alle spelarar er registrert i FIKS (gjeld for spelarar frå 12 år og eldre)
Kampvert
Trenar og lagleiar har som regel hendene fulle i samband med ein kamp. For å sikre ei fin og trygg ramme rundt aktiviteten er kampvert ei viktig rolle. Det er både lurt og hyggeleg at heimelaget har ein vert som tek imot gjestar (motstandarlaget sine spelarar, trenarar og øvrig reisefølge). Kampverten har ei tydeleg og respektert rolle under kampen.
Kampverten si oppgåve er å bidra til ei god ramme rundt kampen prega av Fair Play. Kampverten har på gul kampvertvest og har med seg foreldrevettkort.