AKTIV SOMMAR PÅ UTVIKFJELLET ER AVLYST

Breimsbygda IL har fått støtte frå Gjensidigestiftelsen til prosjektet aktiv sommar på Utvikfjellet. Dette må no avlysast fordi vi rett og slett ikkje har klart å rekruttere nok ungdomar som kan jobbe for oss.

Og før nokon no tek til å klage på ungdomane, så må vi skunde oss å legge til at årsaka rett og slett er at det er kamp om å skaffe nok ungdomar til alle sommarjobbane i år. Og då veit alle at ungdomar frå Breim er særs etterspurte på arbeidsmarknaden.

Det er sjølvsagt trasig å måtte avlyse eit godt prosjekt. Men når grunnen er at næringslivet går godt og at det er rift om ungdomane våre, så er no det ei trøyst oppe i det heile.

Igjen takk til Gjensidigestiftelsen for at de har trua på oss og stiller opp. Vi fekk det ikkje til denne gangen, men vi kjem sterkare attende.