VEKTLØFTARGRUPPA

I tida framover kjem vi til å presentere dei ulike gruppestyra i Breimsbygda idrettslag. Leiarane i dei ulike gruppene vert i samband med det gjeve litt ekstra merksemd. Det er i gruppene den viktige aktiviteten skjer og leiarane tek oftast eit tak langt utover det ein vanlegvis tenkjer ligg til ein styreleiar. Vi finn dei ofte og på trening eller involvert i ulike dugnadsprosjekt.

Ola Bergheim er pensjonert bonde og lærar og er opptatt av styrketrening fordi det er noko alle treng heile livet. Det handlar om å meistre eigen kropp og helse. Eller sagt på ein annan måte; Det- hjelper ikkje med god kondis om ein ikkje har styrke til å kome seg opp av stolen-sofaen- senga.

Dessutan er det ei god kjensle å sjå og bidra til meistring på alle nivå - i vektløfting møter vi alle, Seier han.

Ola er glad i ord, både skriftleg og munnleg – men, denne gangen blir presentasjonen kort 😊Dessutan er han glad i god humor. Eit behov han og får dekka gjennom vektløftinga.

Bilete: Firda Tidend etter løyve.

Sjå den glade gjengen Ola har med seg i vektløftargruppa: