Kulturminnefondet har prioritert prosjektet svært høgt, uttaler dei i ei pressemelding.

Tilskotet er på heile 300.000 kr og skal gå til renovering av den historiske sperrestova som har vore utgangspunktet for store idretts- og kultursamlingar for heile Nordfjord.

a

Breimsbygda Idrettslag set stor pris på det rause tilskotet og jobbar no med få på plass restfinansiering og planlegge det praktiske arbeidet.

Tiltak er å renovere torvtak, legge ny papp og plast, ny taktro, ny torv og never, montere nye vindskier, restaurere fundamentet som har sige ved å jekke opp hjørnet, skifte ut ytterkledningen på halve vestveggen og heile aust- og nord-veggen, reparasjon av innvendig golv og restaurere vindauga ved å spunse på karmar på sørveggen. Alle vindauga treng ny kitt og måling.

Sperrestova har blitt lite brukt sidan 1990-talet, men i periodar er den blitt brukt som varmestove på vinterstid. Mange bruker stova som eit turmål om sommaren.

Bygninga blei flytta til nåverande plassering i 1907, men det er usikkert kor gammalt bygget eigentleg er.

Målet med restaureringa er å bruke stova i regi av idrettslaget, andre lag og organisasjonar, næringsliv og private. Ho kan også bli eit turmål for trimgrupper, turlag, skuleklasser og barnehagar, og ho kan brukast innan formidling av historie, song og musikk. I tillegg ligger ho ved Den Trondhjemske Postveg, som er ein merka tursti over Utvikfjellet. Det er traktorveg helt frem til stova.

Bygningen er med i Gloppen kulturminneplan.

Du kan lese meir om Brekkestova her:

https://www.facebook.com/page/134424549901501/sear...