ORIENTERINGSGRUPPA

I tida framover kjem vi til å presentere dei ulike gruppestyra i Breimsbygda idrettslag. Leiarane i dei ulike gruppene vert i samband med det gjeve litt ekstra merksemd. Det er i gruppene den viktige aktiviteten skjer og leiarane tek oftast eit tak langt utover det ein vanlegvis tenkjer ligg til ein styreleiar. Vi finn dei ofte og på trening eller involvert i ulike dugnadsprosjekt.

Jannike Felde er 49 år gammal, fysioterapeut- jobbar i Gloppen kommune. Gift med Kåre Hetle, 6 barn😀.

Eg engasjerer meg i idrettslaget fordi det er viktig å ha eit variert aktivitetstilbod i bygda. Det er viktig for meg at ungane er aktive og at dei finn ein aktivitet som dei likar.Orienteringsgruppa er ei lita gruppe i idrettslaget og vi har få aktive utøvarar. Vel så viktig som å delta på løp, er å kunne orientere seg i terrenget og forstå kart og kompass. Livsviktig kunnskap 😀👍. Erfaring med og bli glad i å vere ute i naturen, er og viktige verdiar å ta med seg.

Orienteringsgruppa håpar at fleire vil delta på våre aktivitetar og vi legg lette løyper slik at alle skal føle mestring 😀👍.

Her ser du heile den gode gjengen i orienteringsgruppa:

ORIENTERINGSGRUPPA